CANTIGAS DE MOFAS E BURLAS ¿Por qué non cantas paxaro?; ¿por qué non tes alegría? Non, se foi cousa de noite Que non se saiba de día.
Heiche de dar, queridiño, Heiche de dar que o teño Papiñas do millo quente, Feitas non pote pequeño.
O raposo está berrando No alto de camariñas, Que lle leven os zapatos Que lle pican as espiñas.
O paxaro de María Come nas miñas cereixas; Como paxariño, come, Verémo-las que me deixas.
O río cando vai cheo Leva carballos e follas; Tamén podía levar As linguas “murmuradoras”.
A miña muller morreume, Enterreina no palleiro; Os fillos veña a chorar, Eu a toca-lo pandeiro.
Anque botes e rebotes, E volvas a rebotar Aínda teño un saco cheo E outro por comezar.
Chamáchesme pito cairo, Porque nacín en xaneiro Se non me come o raposo, Hei comer no teu poleiro.
Tres mil demonios te leven, Outros tres carguen contigo; Se tiñas amores con outras, Para que falaces comigo.
A perdiz anda no monte, O perdigón no valado; A perdiz vailee dicindo Que lle tire polo rabo. O raposo está berrando No alto da Feira Nova, Que lle leven as galiñas Que ten a muller de engorda.
Mira queridiña, mira Que barba leva aquel home; Cala queridiña, cala Que o inverno todo come.
Funme casar á montaña, En terra de Maragatos; Cunha muller vella, vella, Toda comesta dos ratos.
A miña muller morreu, Enterreina tras do forno; Pasei onte por alí, Inda me chiscou un ollo.
Unha vella fixo as papas, Botoullas o pote fóra Hai un ano que foi iso, Aínda agora a vella chora.
Aquela vella do diaño Seica tentou o pecado; Botaba as verzas no pote, Remexeunas cun forcado.
Non pensei que o toxo verde, Posto no mar que prendía; Non pensei que atúa lingua Tanto mal de min dicía.
Pasei pola túa porta E mirei pola pechadura; Estabas ti e a túa nai Mamando no leite da burra.
Unha nena nunha fonte Por unha verza bebía; A verza estaba rachada, Toda a auga lle vertía.
Meniño dille a teu pai Que eu agora non te quero Que te colgue no fumeiro, No lugar do unto vello. Carmiña vai na montaña, E marchou sen os pendientes; E quedáronlle os detalles Regañándolle nos dentes.
Branquiño, branquiño, branco Branco coma un caravel. Xa te teño comparado co burro de Daniel
Eu metinme nun muúiño, Pechei a porta por dentro; E cando saín para fóra Parecía un sacramento.
Eu a ti para que te quero, Eu a ti para que te quero Para varredoiro do forno E arrebolarte ó inferno.
Manueliño é bo mozo, Manueliño é bo mozo, ¡quen che mo dera no río cunha pedra no pescozo!.
Xa che dixen que calaras Que non te quero escoitar Con homes desvergonzados Non quero parrafear.
Márchate de aí larpeiro, Non me veñas a insultar Nin me digas esas coplas Que non chas quero escoitar.
Abur, cara de coello, Porque me vou a marchar, Que non quero, máis contigo, A miña saliva gastar.
María ten sete saias, E todas lle quedan ben Por debaixo delas todas, Pasa a máquina do tren.
Ándaste parrafeando cun amor que xa foi meu; Agora chúpalle os ósos Que a carne chupeilla eu.
Por debaixo da ponte Víronrte pasar; As pernas marica, Viñas de lavar.
¿de onde vés, María? -veño do repolo -Es ben metireira, que aínda non ten ollo.
Desde o máis alto do ceo Caeu a lúa e rompeu Tamén rompeu o espello Onde me miraba eu.
Xanciños disque ten, Un bo niño no tellado; Acudide alí veciñas Que lle escapa de contado.
María dille a teu pai, Que eu agora non te quero Que te colgue no fumeiro, No lugar do unto vello.
Sementei un pouco orxo No medio dunhas aveas A un burriño coma ti Xa lle puxen as cadeas.
Nena que estás na ventana Coa punta do pano fóra Se non me bóta-la cara,ç O pano non me namora
O subi-las escaleiras Un pulga me picou; Collina polas orellas, Bofetadas que levou.
Manuel por ve-las nenas Fixo unha ponte de prata; As nenas non van por ela, Manuel todo se mata.
Eu por ti poñerei loito de bayeta colorada; Eu por ti poñerei loito ti por min non poñas nada.
Cando pases por alá Dálles recordos a tres; A fulano e a mengano E a citrano se o ves.
O domingo funa á misa, Miraches para min e riches Así a aEl-Señor lle parezas, Como a min me pareciches
Farruquiño foi de pesca E pescou unha malpicana Máis lle valera a Farruco Botar un ano na cama.
Unha morena con gracia Pode “salír a la calle” Unha branca sen colores, Non pode saír nin sale.
Os mociños de bigote, Véndense a medio real Para poñer de espantada O martes de carnaval.
Maripepa ten un niño Entre as tellas do tellado O niño de Maripepa, Cando chove está mollado.
Teño unha galiña branco co pescozo encarnado E da noite para a mañá Ergue a crista e baixa o rabo
Teño unha galiña branca Que me veu de Redondela Se fose do abrequén Facía un caldo con ela.
As rapaciñas de castro Son gordas e pequeniñas Anda o raposo tras delas Pensando que son galiñas.
Teño un niño de carrizo Nun alliño de repolo Déronme as nenas con el Comeron repolo e todo.
Arrastráche-lo cu polas pallas E fixéche-la cama no chan E mollaches a berberechiña Que a tiñas seca do “vran”.
Cando entres pola porta Mira con educación; Colle o timbre na man E espera contestación.
Se o burro que che mando é cariño verdadeiro; ¡Ai!, este burro, meniño vai se-lo teu entroideiro.
Este burro que che paso Que non che pareza mal; Que son cousas dos amores en tempos de carnaval.
Este burro que che mando Que non che poareza mal E cando lle bóte-la auga Dálla cun pouco de sal.
En Nantón non hai bos mozos, Que os levou a xiada Que tan só vos quedou un Que quedou de furricada.
Ese lugar de Nantón Non é lugar nin alforza; Con tantas corredoiras vellas Onde o burro abre a gorxa.
Botei un peido en Santiago E tembrou o consistorio; Os señores escapaban Pensando que era o demonio.
Carballo, curral de vacas, Montecelo de cabritiños A Miñata de lambóns; Mira que tres lugariños.
As rapaciñas de agora, Non son unha que son todas Poñen tres pares de medias para face-las pernas gordas.
“Adivécheste” alabando que me habbías de deixar; agora que eu te deixei, corre, vaite alabar.
Pó-lo sombreiro de lado Porque eres fillo de rico; Pódelo poñer dereito Que eu de ti non necesito.
Anque ti tóque-los dentes, Coma o ferreiro os martelos; Risa de min non a fas Anque te coman os demos.
Tés un garbo que te mata E un salero que te parta Un repolo coma ti Haino en calquera parte.
Teño unha herba na horta Que se chama correola Para ti falar comigo Fáltache un ano de escola.
Bota leña nese lar Anque sexa de loureiro Para lle chamusca-las barbas, Ós rapaces do Outeiro.
Arrabeas porque canto Porque río moito máis; Hei de cantar, hei de rir Para que arrabees máis
Tes un cabazo moi grande Que leva medio ferrado Onde pasean os ratos Co rabo revirichado.
Santa Marta de Ortigueira Santa Marta de Ortigueira A muller que come a nata Non ten sorte coa manteiga.
Disque tiñas moita palla Eu na cama non cha vexo, E a que tés no palleiro Cabe no fol dun “conexo”.
Chamáchesme pera podre, Eu a ti mazá podrida A pera podre non se come A mazá podrida se tira.
Nós de aquí e vós de aló Somos tantos coma vós Nós comemo-lo carneiro E os cornos son para vós.
Disqued tiñas moito garbo Porque teu pai era rico A riqueza do teu pai Lévaaun corvo no bico.
Pasei pola túa porta Na véspera dunha festa Estaba túa nai varrendo Os piollos cunha xesta.
Miña nai e maila túa quedan cun ruído armado Por culpa dunha galiña Que tiña amores cun galo.
Tontas me chamaron, tontas Tontas as do meu lugar Que traballan e non comen E eu como sen traballar.
Bota leña nese lar Anque sexa toxo macho; Que van a empezar a bailar A pulga e mailo caracho.
Moito te pintas rapaza Na “ventana” do nordés; Moito te pintas rapaza ¡que pouca vergonza tés!.
Fun ás mozas á montaña E metinme nunha lameira Mellor cousa non merezo Por estar cunha xalleira.
Polo “cuello” da camisa Vinche baixar un piollo Viña de Serra Morena Traía un parche nun ollo.
Fun ás mozas á montaña E espeteime nunha poza, Deille un abrazo a unha vella Pensando que era unha moza.
No Outeiro hai boas mozas Na Agualada gana delas No lugar de Camafreita Caravillas “pra” cancelas.
O merlo e maila merla Ían polo prado abaixo O merlo como era pillo Meteu a merla debaixo.
Algún día algo, algo Agora meu queridiño Xa non te queren as nenas Porque estás acabadiño.
Miña nai ten unha pola Que a trouxo da Ribela O galo de san Cremenzo Non lle sae de rriba dela.
O gaiteiro de Iñaño Foi tocar a Redondela; Tódalas mozas dicían Non hai gaita coma ela.
Asubía, asubía Asubía que vai vento Eu tamén asubiaba Cando era do teu tempo.
Miña nai e maila túa E máis outra galdrapeira Colgaron ó tío Laranxo Dos ganchos da gramalleira.
Eu fixen unha ponte de palliñas de centeo Para que pasen os mozos de Cuns para Cereo.
Arrabeas, arrabeas Acabas de arrabear; Te-lo veleno no corpo Acábalo de botar.
Se ti vises o que eu vin Na feira de Monterroso Vintecinco xastres xuntos Dacabalo dun raposo.
Ó señor desta casa É á señora tamén Deus os garde moitos anos Que lindas cores que ten.
Miña nai é unha pobre E meu pai un vinculeiro Que non ten galo nin galiña Que lle cante no poeliro.
Aí veñen os de San Paio, Aí veñen os máis valentes Traen a Ponte Pequena Atravesada nos dentes.
Este pandeiro que toco, Este que teño na man Era de coiro de ovella Da muller do meu irmán.
Non chas quero, non chas quero nabizas do teu nabal; non chas quero, non chas quero, que me poden facer mal.
A Carolina é unha tola, que todo fai ao revés; vístese pola cabeza e díspese polos pés.
Gasto zapatos e botas; visto do cal o mellor; teño un peso no bolsillo, coma ti que es labrador.
Dis que te vas, que te vas; xa te puideches ter ido; Se te foses hai un ano, tíñache o mentes perdido.
Arriba pandeiro roto, abaixo manta mollada; a onde chegan as mulleres os homes non valen nada.
Non poñas o pé de punta, non poñas o pé de punta; que o cura na confesón, por iso non che pregunta
Home de moita parola gasta o tempo en parolar; e non fai todo o que di, nin tampouco di o que fai.
O raposo vai á misa polo camiño do carro; leva os ollos na cabeza e o cu debaixo do rabo.
O raposo está berrando no alto de Camariñas; que lle leven os zapatos, que lle pican as espiñas.
Estonei unha laranxa e tirei as tonas ao porco; quen te ha de querer a ti, “cascabeliño” garboso.
E vaite de aí, xa podes marchar; que eu na miña vida, che volvo a falar.
Pasei pola túa porta, pedinche auga e non ma deches; cando pases pola miña, farei como me fixeches.
Alí arriba naquel petouto, había un vello cagando por outro.
Deus che dea tanta sorte coma ao meu cabalo negro; sete anos tivo a sarna, e morreu de sarampelo.
A miña muller morreume, enterreina no palleiro; deixeille as manciñas fóra para tocar o pandeiro.
Cando eu morra enterrádeme xunto a ela no palleiro; poñédeme as mans adentro, para tocarlle o pandeiro. www.edu.xunta.es/centros |